lunedì 15 febbraio 2016

CANTU… * Domenico Orifici *

CANTU…
* Domenico Orifici *









da:“Cantu… sugnu sicilianu”
----Armenio Editore--------
Cantu …cantu pi li munti e pi li chiani,
cantu comu tutti ‘i siciliani.

Di Sicilia è fatta l’arma mia:
d’idda mi veni la vogghia e la valia.

Nuddu mi poti fari lu dispettu
di putirmila scippari di lu pettu.

Tegnu lu so suli e lu so mari-
li munti, li pinnini, li so’ sciari.
Tegnu ‘nta lu me cori li giardini
Di limuna, d’ aranci e mandarini.

Tegnu di li so’ frutti li sapuri
E di tutti li so’ ciuri li culuri.
Tegnu lu cantu di li so’ aceddi
Lu bilari di pecuri e d’agneddi.

Tegnu di la Sicilia li maneri
P’ ‘u rispettu a li genti furisteri,
 L’alligria chi lu sicilianu porta
Puru si pati peni d’ogni sorta.

Tegnu dâ giuvintù tuttu l’arduri,
La forza, l’amuri e lu caluri
E cantu … cantu pi li munti e pi lu chianu.
Cantu … sugnu sicilianu.

Ecco la mia poesia per la Cruna: combattè in final con Stroddi di Domenico Triveri senza vincitori e vinti



Nessun commento:

Posta un commento