ARRIVAU LA NIVI DI DOMENICO ORIFICI

ARRIVAU LA NIVI

DI DOMENICO ORIFICI

Attornu a mia,‘sta matina ,

È Tuttu iancu di li munti a la pinnina

Iancu  comu lu vistitu di la sposa,

comu  li petali di ‘na rosa.

Adagiu scenninu li fiocchi di lu celu

Comu si niscissiru di ‘nu velu

A forma di  pinnitti di iaddina

‘Spinciuti di lu ventu dâ marina.

Vardu di lu vitru di lu me barcuni

li fiocchi passari a miliuni

vulteggianu nta lu firmamentu

spinciuti di la forza di lu ventu.

È silenziu funnu attornu a mia

E tuttu s’ acculura a fantasia.

Sutta ‘nu barcuni arritirati

Ci su’ tanti acidduzzi ‘ncucciulati.

‘Na munachedda chiù affamata

cerca manciari‘nta la strata:

Svulazzìa comu ‘na dannata

E â fini si ritira scunsulata.

Piaci tantu ‘na jurnata ‘i nivi

Pi cu’ l’aspetta e si la vivi

Facennu pupazzeddi strata strata

E puru cu l’amici ‘n’ allegra palliata.

Ma di l’autra menza di la strata

C’è ‘na vicchitta abbannunata,

la strata unni caminari

Cu tanti piriculi di scansari.

E’ ARRIVATA LA NEVE

Attorno a me, questa  mattina,

è tutto bianco, dai monti al mare,

bianco come il vestito della sposa,

come i petali di una rosa.

Adagio scendono i fiocchi dal cielo

Come se si staccassero da un velo,

a forma di piume di gallina

spinte dal vento della marina.

Guardo dai vetei dl mio balcone

I fiocchi passare a milioni

Volteggiano nel firmamento

Spinti dalla forza del vento.

E’ silenzio profondo attorno a me

E tutto si coloro a fantasia.

Sotto il balcone ritirati

Ci sono tanti uccelli accovacciati.

Una cpinera più affamata

Cerca cibo nella strada.

Svolazza come una dannata

E alla fine si ritira sconsolata.

Piace tanto una giornata di neve

Per chi l’aspetta e se la gode

Facendo pupazzi lungo le strade

E pure con gli amici lanci di neve

Ma dall’altra parte della strada

C’è una vecchietta abbandonata,

Una strada dove camminare

con tanti pericoli da scansare.