NATALI di Nino Algeri
Luci sfarfaddianti sparsi p’’a città
vitrini chini di merci ’i qualità
rumuri, canti e sonu
fannu un saccu di frastonu.
’A genti curri tutta ’nchiffarata
t’ammutta, ’ncuntrannuti ’nta strata,
nun guarda, nun vidi propriu nenti,
c’’u prossimu è lisa, è ’nniffirenti.
Consumismu divintau Natali,
si pensa a cattari sulu rigali.
Nun è chistu, di Natali, ’u ’nsignamentu,
Gesù nasciu, ’nta pagghia di frumentu,
quadiatu di nu boi e di nu sciccareddu,
senza nenti, ’nta miseria e povvureddu.
Iddu nni ’nsigna a vuleri a tutti beni,
a scanzari a l’avutri guai e peni,
e ricurdannuni sempri sta jurnata
jutari ’a genti ch’è cchiù sfurtunata.
Nessun commento:
Posta un commento